Бангладеште 2,1 миллион киши эвакуацияланды

Бангладеш өкмөтү катуу жаан жана суу ташкындары менен келе турган “Роану” циклонуна байланыштуу 2,1 миллион кишини эвакуациялады. Бул туурасында Синьхуа кабар агенттиги маалымдады.

Бангладештин метеорологиялык башкармасынын божомолдоосуна ылайык, табигый кырсык, бүгүн, 21-майда Мьянма менен чектеш аймактарды каптайт. Бул жолку катуу шамаал аралаш жаан Бангладештин 10 баллдык системасында жетинчи деңгээлдеги коркунучту көрсөтүп жатат. Ага байланыштуу, кооптуу жайлардан тургундар башка аймакка көчүрүлгөн.