ДУБА ИБАДАТТЫН МӨМӨСҮ

📍ДУБА..Эң биринчи Жараткан менен пендесинин жакындатып, ортосундагы жашыруун сырлардын ачкычы.

📍ДУБА.. мусулмандын кыйынчылык келгенде жеңе турган, келе элегин тосо турган, жакшылыгында коргой турган табылгыс куралы.

📍ДУБА..Ибадаттын мөмөсү. Амалдарыбыз ниет менен башталып дуба менен толукталып кабыл болот.

📍ДУБА..Айласыз эч чыгаарга жол таппай чечим издеп калганыбызда. Бизди Жаратканга байлаган үмүтүбүздү күйгүзүп, жүрөгүбүздү жакшылыктарга ачып, караңгылыктан чыгарган нур.

📍ДУБА..Ички кир баскан жан дүйнөбүздү тазалап, катыган жүрөгүбүздү жумшартып, соолуган көз жашыбызды жибитип эртеңки күндүн жакшылыгына ишеним берген дары.

🤗Кыскасы дуба момун үчүн жашоосунун маңызы. Аллах Тааланын да пендесинен эң көп күткөн ибадаттын мөмөсү.

“Аллах Тирүү, Берешен.Ошондуктан кайсы бир пендеси Ага дуба кылып суранса, анын сунулган колун бош кайтаруудан уялат…” – деп айткан.

“Мага дуба кылгыла (кылган) дубаларыңарга жооп кайтарайын.” (Момундар сүрөсү, 60-аят)

Биз баарыбыз эле сан атооч эмне экенин жакшы билебиз э. Сан атооч сандын канча? Канчоо, канчанчы деген суроолорго жооп берет. Эмнени айткым келди муну менен. Жашообузга сан атооч мыйзамын киргизип алсак биздин максаттар бат орундалат. Мисалы: Эгерде биз алдыбызга койгон максатка атайын бир датаны, саатты, күндү белгилеп албасак анын ийгилиге жете албайбыз. Мен ошол күнгө бүтүрүшүм керек, ал күн жакындап калды деген максатыңызга ишеним күч берет. Ошон үчүн дубаларыбыз кабыл болуусун кааласак. Жараткандан бир же эки жолу эмес бир ай же эки ай бир намазга же атайын бир саатка байлап чын ыкластан сурай берсек сөзсүз кабыл болот.

🤗ДУБАМ КАБЫЛ БОЛБОЙ ЖАТАТ ДЕП КАЙГЫРБАҢЫЗ

Абу Хурайра, радыяллаху анху, риваят кылат. Аллахтын Элчиси, саллаллаху алейхи уа саллам, айтты:
«Кайсы гана мусулман болбосун, бир нерсе суроодо жүзүн Аллахка буруп сураса, анда Аллах сураганын берет. Сураганын кечиктирбей (бул дүйнөдө) берет же Акыретке сактап коёт». (Ахмад) демек биз дубабыз кабыл болсо да, болбосо да эч качан уттурбайбыз.

🤗Дубам кабыл болсун десеңиз: Алгач Аллахка болгон ишенимиңизди толуктаңыз. Болобу, болбойбу эмес, БОЛОТ СӨЗСҮЗ деген чечим менен кайрылыңыз. Кулагыңыз ,жүрөгүңүз, ички дүйнөңүз эч кандай шек күмөндү укпасын, тыңшабасын. Эртеңки күндүн жакшылыгын, үмүтүн жүрөгүңүзгө толтуруңуз. Жаш бала жокко түшүнбөгөндөй сизда Жараткандан кабыл кыласың Йа,Робби! Сен Рохмансың, Рохимсиң Мээримиң, Ырайымың чексиз жазылган тагдырды да өзгөртүүгө Кудуреттүүсүң » деп көп кйталаңыз. Тагдырды бир гана дуба өзгөртүүсүн эч качан унунтпаңыз.

Сөзүбүздүн аягында эмне демекчимин «Дуба менен эл көгөрөт, жамгыр менен жер көгөрөт » дегендей улуу күндөрдүн босогосунда турабыз. Биздин жылдап күткөн Курман айт майрамы келе жатат. Колубуздан келсе элибиздин, жерибиздин, үй — бүлөбүздүн тынчтыгы, саламаттыгы, ден — соолугу үчүн курмандык чалып, муктаж канаты сынган бир туугандарыбызды кубантып дубалардын арты менен Жараткандын ыраазылыгына жетели. …

🧕Насиба Абдуллаева.

꧁ БАКТЫЛУУЛУК ФОРМУЛАСЫ ꧂⠀

Катталуу үчүн:👇🏻👇🏻👇🏻

📲WhatsApp: +996 771 822 202..

📲+996 778 531 798

══════════════════
☪ OK.ru/Formulasy
☪ Fb.com/Formulasy
☪ T.me/formulakg
☪ Youtube.com/FormulaMediaKG
☪ Instagram.com/Formulasy
☪ WWW.FORMULA.KG