Баткен облусунда диний кырдаал талкууга алынды

Баткен облусунун казысы Пазыл ажы Султанмуратов КР Министрлер кабинетинин Баткен облусундагы ыйгарым укуктуу өкүлүнүн орун басары Жаныбек Исаков менен жолугушту.

Жолугушууда облустагы  диний кырдаал, курман айт намазына карата даярдык,  учурдагы COVID-19 илдетин алдын алуу үчүн санитардык эрежелерди так сактоо, эмдөө боюнча түшүндүрүү иштерин жүргүзүү маселелери талкууланды.

Ал эми облус казысы казыят тарабынан аткарылган иштер тууралуу маалымат берип, облустук казыят жергиликтүү бийлик өкүлдөрү менен тыгыз иш алып баруусу керектигин билдирди.

Жолугушууга Баткен облусунун район, шаарлардын имам хатибдери катышты.