ЖаңылыктарМедиаФото

Кыргызстандык ажылар ажылык амалдарын аткарып бүтүштү

Кыргызстандык ажылар ажылык амалдарын ийгиликтүү аткарышып, Мина өрөөнүнөн толугу менен Мекке шаарына кайтып келишти. Ажыларыбыз учурда кетүүгө камылга көрүшүүдө. 17-августтан 1-сентябрга чейин мекендештерибиз Жидда-Бишкек, Жидда-Ош жана Медина-Ош  багыттары боюнча өлкөбүзгө кайтышат.

 «Кыргызстандык ажылар ажылык амалдарын аткарып бүтүштү. Азыркы мезгилде 2019-жылдагы ажылыкты уюштуруу штабы ажылардын мекенибизге кайтуу рейстерин такташууда. Быйыл ажылык ишин жогорку деңгээлде уюштурууга бардык күч аракетибизди жумшадык. Ажыларыбыз мамлекет, элибиз, жерибиз үчүн дуа кылышып, Жараткандан жакшы тилектерди сурашты»,-деди ажылыкты уюштуруу штабынын жетекчиси Замир каары Ракиев.

-Кыргызстандык ажылар үчүн быйыл ыйык Харам мечитинен мейманканага каттап туруучу  атайын автобустар уюштурулуп, алар 25-августка чейин өз иштерин улантат.

-Ажылыр үчүн 2 маал ысык тамак каралып, ажылыкты туура аткаруу боюнча атайын сабактар уюштурулду.

-Ажылыкты уюштуруу штабынын мүчөлөрү менен Сауд Араб Падышачылыгынын ажылык министрлигинин өкүлдөрү тарабынан коопсуздук эрежелери боюнча атайын түшүндүрүү иштери жүргүзүлдү.

-Ажы башчыларга ажыларга кызмат көрсөтүү, коопсуздук жаатында окутууларды өткөрүү боюнча түшүндүрүү иштери жүргүзүлүп турду.

-Ажылыкты уюштуруу штабы Мина, Арафат жана Муздалифа өрөөндөрүндө жана Жамаратка (шайтанга) таш атууда Сауд Араб Падышачылыгынын ажылык министрлиги тарабынан берилген графикти так сактап, бардыгын өз учурунда көзөмөлгө алышты.

-Арафат өрөөнүндөгү чатырлар жаңыланып, заманбап аба үйлөгүчтөр коюлду.

-Муздалифа өрөөнүндө ажылар үчүн атайын килемдер төшөлдү.

-Кыргызстан Мусулмандарынын Азирети Муфтийи Максатбек ажы Токтомушев Мекке шаарындагы ажылардан кабар алып, аларга ажылык боюнча баяндама жасады.

-КРнын саламаттык сактоо министрлиги тарабынан бөлүнүп берилген 16 дарыгер 24 саат иш алып барышууда

-Мекке шаарында кыргызстандык ажылардын ден соолуктарын көзөмөлдөп туруу үчүн атайын 3 медициналык пункт иш алып барып,  2 тез жардам унаасы иштеди.

Эскерте кетсек, быйыл Сауд Араб Падышачылыгынын ажылык министрлиги кыргызстанга 6010 квота бөлүп берген.

Улантуу
WhatsApp группабызга кошулуңуз!

Эми биздин маалыматтарды Whatsapp аркылуу окуй аласыздар.

Бизге жазылуу үчүн +996700334493 номерине кайрыңыздар!

-БАКТЫЛУУЛУК ФОРМУЛАСЫ-

Тектеш темалар

Жооп калтыруу

Сиздин электрондук почтаңыз жарыяланбайт.

This site uses Akismet to reduce spam. Learn how your comment data is processed.

Back to top button
Close
Close