Ажылык сапарга каттоо башталды

2017-жылы ажы сапарына чыгуучуларды каттоо иши 6-февралда башталып, 6-мартка чейин жүргүзүлөт.

Бул тууралуу Кыргызстан мусулмандарынын Дин башкармалыгы билдирди.

Быйыл Кыргызстанга ажылыкты уюштуруу боюнча 4585 квота берилди.

Ажылык сапарына биринчи жолу аттанып жаткан мусулмандар 6-февралдан 6-мартка чейинки мөөнөттө Дин башкармалыгынын түзүмүндөгү облустук, шаардык казыяттарда жана райондук хатибияттарда каттоодон өтө алат.

Ал эми ажылыкка мурда барып келгендер үчүн каттоо бош орундар калса гана, 6-марттан кийин ачылат.

КТРК