Бүгүн, 10-апрелде Ош мамлекеттик университетинин Теология жана Биология факултетинде «Ислам-тынчтыктын жарчысы» аттуу китеп окуу сынагы болуп өттү. Аталган сынактын ачылышына Ош облусунун казысы Самидин кары Атабаев, Ош шаарынын казысы Убайдулла ажы Сарыбаев, “Адеп башаты” прогрессивдүү коомдук фондунун Оштогу мүдүрү Дауд Абы уулу жана Кыргызстан Ислам университетинин проректору Акимбай уулу Равшан ажы катышышып, катышуучуларга ийгилик каалашты. Китеп окуу сынагы “Радиус Салихин (тандалган хадистер)”, “Сүйүктүү пайгамбарыбыз Мухаммед (саллаллаху алейхи васаллам) өмүр баяны”, “Абу Ханифа и ханафитский мазхаб” аталышындагы 3 китептин негизинде тест түрүндө өткөрүлүп жалпысы Ош облусу жана Ош шаарынын аймагынан 1400дөн ашуу окурмандар катышышты.
Эскерте кетсек, сынактын жыйынтыгы 20-апрелде Бишкек шаарында чыгарылат.
Ош облусунун мусулмандар казыятынын маалымат кызматы
