Садыбакас ажы: Аялын жүгөндөй албаган эркектерге, денесин жапкысы келбеген аялдарга сөзүм катуу тийди

Садыбакас Доолов ал видео жөнүндө комментарий берди. Ал сөзү “контекстен үзүлүп алынып, мааниси бурмаланып калганын” айтууда.

“Эт кымбаттады дейсиңер, ал жерде ар бириң өзүңдүн мүнөзүңдү, адебиңди, тарбияңды таразалап көр. Жөн эле падышага, элге, базарга шылтай бербей дегем. Эт кымбаттады дейсиңер бирок аялзатынын, апалардын, эжелердин денелери ачык жүргөндө эмнеге намыстанбайсыңар деген сөздөр бар болчу”, — деген Доолов насааты кыз-келиндерди басынтуу үчүн айтылбаганын кошумчалады.