Исламабаддын Жогорку Соту коомдук жайларда “Валентин күнүн” белгилөөгө өлкө боюнча тыюу салды. Сот медиа каражаттарын бул майрам тууралуу маалымат таратпоого милдеттендирди.
Сотко арыз менен кайрылгандар маалымат каражаттары “Валентин күнүн” жергиликтүү маданияттын бир бөлүгү катары көрсөтүп жатат деген жүйөсүн айтышты.
14-февраль дүйнөнүн бир катар өлкөлөрүндө сүйүү күнү катары өзгөчө жаштар арасында белгиленет. Пакистанда бул күндү белгилөө кайчы пикир жаратып, динди бекем карманган жарандардын каршылыгына туш болгон.
«Азаттык»
