Куран жана сүннөт боюнча түш жоруу

Китеп — илимий болсо – илимпозго жолугуу.
Мугалим – илим, жаңы тааныш.
Тил – узуну –душманды жеңүү, кесилсе –жеңилет, ача болсо илим, өзү кесип алса –жаман сөз айтуудан сак болуу керек.
Ак тон — байлык, карасы- аброй, сарысы-санаа.
Бут кийим – малдуу болуу, жыртыгы-жаман.
Кызыл кийим – аялдар үчүн шаттык, жакшылык, эркектер көрсө- жакшы болбойт.
Кийим — тазасы- таза көңүл.
Асман — өзүңүздү асмандан көрсөңүз падышага жакын болосуз.
Булут — падышаны көрүү. Акыл, илим.
Тоо – чыксаң — бийлик.
Суу — узундугуна жараша өмүр. Муздак суу –ден соолук. Суунун көп жыйылганы –молчулук, саламатчылык. Жылуу суу ичсе –жагымсыздык.
Дарыя — урмат-сыйлуу өмүр.
Деңиз — толкуса тынчы кеткен турмуш, жээкке чыкса-душманы багынат, үстү менен жүрсө — падышаны жеңет.
Кайык — башка өлкөгө саякатка баруу.
Шамал – буйрук. Өтө катуу бороон болсо –азаптуу көрүнүш, коркунуч.
Жер — бийлик, күчтүүлүк. Казса — алдамчылык менен тапкан мал.
Сел -душман, качса — качып кутулат.
Аял -(ажырашса) абийир кетет, (үйлөнсө) кубаныч. Аял киши өзүн эркек сыпаттуу көрсө уулдуу болушу мүмкүн.
Арбак — түшүңүзгө кирсе дөөлөттүү болосуз.
Өлүк көрсө — өмүрү узун болот.
Өлгөн адамды көрүү — таза кийими болсо — бейиште болот, кийим кир болсо-азаптан кутулушун тилеп, садага бер.
Өлгөн адамдан бир нерсе алса — ырыскы келет. Кийимин кийсең — жаман.
Тирүү адам өлсө — өмүрү узун, дени сак болот.
Мүрзө казса – жаңы үй курат.
Пайгамбарларды көрүү — бейишке жол ачылат, тозок оту арам болот.
Тумар – жакшылыктын белгиси. Ооруса айыгат, карыз болсо кутулат, аял көрсө перзенттүү болот.
Бейиш – дини тазалык. Окумуштуулук. Жемишин жесе –кадыр-барк.
Тозокту көрсө –кудай алдында күнөөңдү сезүү. Түшсө -азап. Кээде күнөөдөн арылат дейт.
Селде — дин, туура иш, тазалык.
Намаз окуса –жакшылык келет.
Азан –дини катуу, көкүрөгү тазалык.
Алтын – түйшүк, санаа. Садага бергениңиз оң.
Күмүш — байлыкка ээ болуу.
Бермет — кыз перзент.
Ай — максатыңыз ишке ашат. Эрсиз аял көрсө турмушка чыгат.
Жылдыз — мартаба.
Булак — бакыт, байлык.
Кийик – жакшылык.
Арстан — ийгиликтин чоңу, салабаттуулук.
Жолборс – качсаң тилегиң аткарылат, көп учурда душман.
Ит – тиштесе — урушасыз, үрсө — ушак, кас адам.
Жылан — байлык, кээде душман деп коёт.
Курт — байлык.
Кумурска — саякат, киреше.
Канат –кадыр-барк.
Аары — ушакчы душман.
Бал аары — киреше кирет.
Бал – мал-дөөлөттүү болуп, максатыңыз ишке ашат, жакшы турмуш.
Балык – майдасы — түйшүк. Чоң-чоң көбү — буюм-терим, мүлк.
Чымчык — капалануу.
Түлкү -куу адам, терисин алса мал-мүлк. Аял киши көрсө кыздуу болот.
Төө — сапарга чыгуу, амалдуу болуу.
Бака –капысынан табылган байлык.
Чычкан — кас адамдар, ууру.
Ат минип жүрсө — кадыр-барк, амал.
Ээр — жубайлуу болуу, бийлик.
Кулун — эркиндик.
Коён — балалуу болуу.
Эшек минсеңиз — кадыр-баркыңыз көтөрүлөт.
Бит — байлык деп коюшат.
Атыр — жагымдуу кабар, жакшы сөз.
Гүл — пайдасы болбогон эле иш. Дарак гүлдөгөн болсо- байлык.
Бак — курма жыгачы — илимдүү адам, жүзүм — ден соолук, байлык.
Алма — жүз көрүшүү. Жакшы көрүнсө-бейкуттук. Ак болсо — соодагерден келген жардам. Ачуусу — тынчсыздануу.
Коон — турмуштун ийгилиги, ачуусу –кордук.
Ашкабак — урмат-ызат көрүү.
Өрүк — бышканы-ошончолук алтын, быша элеги-оору.
Пияз — ачуу сөз, кызылы — эң жаман.
Алмурут — жакшылык, мансап.
Күрүч — ишке ашкан максат, ийгилик.
Жаңгак — иштеги чатак.
Анар — мал-мүлк, соодадагы ийгилик.
Мисте — душмансыз болот, шаттуулук.
Бадам – оорулуу көрсө айыгат, соо адам көрсө ооруйт.
Пахта — бактылуулук, багы ачылуу.
Урук –аял алуу, балалуу болуу, дүнүйө табуу, өсүп-өнгүгүү.
Чөп – сатса — санаа.
Тегирмен — максатынын ийгиликтүү жүзөөгө ашуусу.
Ичимдик – ачуусу — жаман турмуш, ширини — жакшы турмуш.
Шербет — ичсеңиз жакшы сөз угасыз.
Айран -ырыскы, мал. Төгүлсө –жаман.
Жаз -ыраактагы туугандардын бири келиши ыктымал.
Кар -ак эмгектен келген пайда, өмүрү узун болот.
Нан — ырыскы, жакшылык, үйгө алып келсеңиз ырыскы кирет.
Май -сары май — санаа, өсүмдүк майы — ишке ашкан максат, куйрук май — адал мал.
Бука — киреше.
Кой — сойсо-белек алуу, кээде байлыгы артат.
Козу — жетимчилик.
Мышык — аймаса — оору, бир нерсе жесе үйүнө ууру кирет.
Короз — аял алат.
Жип – агы — эң жакшы, жол.
Ач калуу – түйшүктөн кутулуу.
Куш — кармап алсаңыз бийликке жетишесиз, куштан жакшы белги сезилсе жакшылык болот.
Жүк көтөрүү — жеңил жүк көтөрсө кадырлуу болот, оор жүк көтөрсө күнөөсү көптүгүнөн кабар берет.
Жамгыр — береке болот.