ЫЙМАНДУУЛУК АДАМЗАТТЫН – АБИЙИРИ.

Биз адамзаттын жан дүйнөсүндө,жүрөгүндө 90% караңгылык болот. Ал караңгылыкты жарыта турган бул- ыйман нурудур. Ыймандуулук адамзаттын ички жан дүйнөсүн канча болбосун тазалап турат. Ыйманыбыз кеттиби жүрөгүбүздүн караңгылыгы ,көбөйүп өзүбүздүн эмне кылып жатканыбызды билбей калабыз.  Ыймандуу болуунун негизги кадамы Ислам дини Аллах жолуна түшүү. Ислам дининде баары бар, адеп-ахлак,сый урмат,тазалык,мээримдуулук, боорукерлик,  сабырдуулук,кечиримдүүлүк бар. Адамзат ушул мүнөздөрдү өзүнө камтып алса ,туура пайдаланса  ошондо ыймандуу адам боло алат. Биз пенделер тез эле унутчаак,тез эле адашуучу ,тез эле ката кетирүүчүлөрдөнбүз. Ал үчүн биз өзүбүзгө көп эскертип туурубуз керек. Мен бул дүйнөгө эмнеге жаралдым? Менин бул жашоодо максатым эмне? Мен эмне кылсам туура болот? Мен өзү эмне кылып жатам ,ата энем ,үй-булөөмө, туугандарга,эл жерге? деп  алдындагы келечек максатка аракет менен умтуулу керек жана ушул суроолор менен биз өзүбүздү жаман жолдордон тыйып турабыз. Ыймандуу адам өзүнө тишелу эмес сөзгө да ,ишке да аралашпоосу керек. Анткени ,анын өзүно тиешелу болгон жумуштары жетиштүү. Ал биринчи өз жашоосу канчалык деңгээлде шариат талабына жооп берерлигине көңүл буруусу зарыл. Эгерде жашоосу жакшы Аллах Таала койгон талаптай болсо ,анда үй бүлөөсүнүн,жакын туугандарынын,кошуналарынын,мусулман туугандарынын абалына көз чаптырсын . Ыйиандуу адам өзүнө каалаган жакшылыкты бирөөгө каалабаса чыныгы ыймандуу мусулман боло албайт.
Бир жолу Лукмандан :
-Акылмандуулугундун сыры эмнеде?- деп сураганда ал:
-Керексиз нерсе жөнүндө сурабаймын,билбегенимди айтпаймын -деп жооп берди.
Ыймандуу адам көп сүйлөбөйт,көп сүйлөгөн адам жалганчы болот.
Алла Таала чыныгы ыймандуу адам кандай болуусу керектигин сыпаттап:”Алар маанисиз сөздөрдөн алыс болушат “деп айткан. А Пайгамбарыбыз (Ага Аллахтын салам салаваты болсун) бир хадисинде: “Адамдагы эң жакшы Ислам- өзүнө тишеси жок болгон нерсеге  кийлигишпөө” деп айткан. Ал эми ыймандуу болуунун өзү эле көп мээнетти талап кылат. Биз өүбүздү ыймандуу алып жүрүүбүз үчүн ,Аллахтын мыйзамдары менен тыйып туруубуз керек . Керек болсо ар күнү өзүбүзгө-өзүбүз суроо менен Аллахты көп эстеп ,андан коркуу менен ,зикирлерди көп-көп кылып туруубуз бул биздин ыйманыбыздын мөмөсүдүр.  Ыймандуу адам дарак олтургузат жана анын өстүргөнү алга умтуулу болот. Ыймансыз адам аны кыйып кыйратканы жарга умтулусуу болот.  Ыймандуу адам ошол даракты кандай карап өстүргөн болсо ,өзүнда ошондой карап жаман иштерден тыйып абайлап жакшы жаманга акырында мөмөлүү дарака айланат. Мөмөлүү дарак дегенибиз ыймандуулуктун чокусу десек да болот. Ыймандуу адам Аллах Тааланын барлыгына,бирлигине,анын периштелерине,пайгамбарларына,китептерине,кыяматтын келүүсүнө,жакшылык жамандык Алладан экендигине,өлгөндөн кийин тирилүү бар экендигине ишенип жашап келет. Ыймандуу адам  акылынын тунуктугу,пикиринин кеңдиги ,адеп-ахлагы менен башкалардан айырмаланып турат  . Ыйман нуру орогон инсандын жашоосу дайыма бай,  жүрөгу таза,жүзү жарык,соккондордун алдында тилсиз, ургандардын алдында колсуз,сабырдуу,кечиримдүү, мээримдүү эң башкысы башкалардын ойун ,пикирин өйдө койуп  ,өзүн жөнөкөй ,төмөн алып жүргөн  эң бактылуу жана Аллахымдын эң жакшы көргөн сүйүктүү инсаны болот. Ыймандуу болгон кандай жакшы мусулман бир туугандар ыймандуу болуп жашайлы ,өзүбүз үчүн акыретибиз үчүн!

Ассаламу алейкум ва рахматтуллооху ва баракатух!

Насиба Абдуллаева….

“БАКТЫЛУУЛУКТУН  ФОРМУЛАСЫ”.