Сауд Аравиянын королдук үй-бүлөсүнүн мүчөлөрүнүн бири король Селмандын башкаруусуна нааразычылык билдиргени айтылууда. Саудиянын негиздөөчүсү болгон король Абдулазиз бинь Сауддун урпактары болгон сауд канзаадасынын нааразычылык катында учурдагы башкаруучу Селмандын тактан түшүү керектиги айтылган.
Англиянын Гардиан басылмасына берилген канзааданын маегинде, анын мындай пикирин королдук үй-бүлөнүн бир канча мүчөлөрү колдой турганы айтылат. Анын айтымында, “Король Селмандын саламаттыгы стабилдүү эмес. Өлкөнү анын уулу экинчи мураскор Мухаммед бин Селман башкарат”.
Маркум король Абдулазиздин уулдарынын айрымдары король Селмандын тактан алынуусу боюнча жакында топтолушу мүмкүн. Атын жарыя кылгысы келбеген канзаада, “Король Селмандын бийликте калуусу коркунучтуу делген каттар калк арасынан да келип жатат”.-деп кошумчалаган.
Эске салсак, король Селман Сауд Аравиянын мурдагы королу Абдуллах бин Абдулазиз кайтыш болгон соң ушул жылдын январында такка отурган.
http://maralfm.kg/
//
The post Саудия королуна королдук үй-бүлө мүчөлөрү каршы чыгууда appeared first on FORMULA.KG.
September 30, 2015 at 02:21PM
