Бириккен Улуттар Уюмунун алдындагы азык-түлүк жана айыл-чарба боюнча уюмунун билдирүүсүндө дүйнө жүзү боюнча 925 миллион адам ачкачылыктан азап чегет. Алардын үчтөн эки бөлүгү Бангладеш, Кытай, Конго, Эфиопия, Индия, Индонезия жана Пакистан өлкөлөрүнүн жарандары. Бир гана Индияны алсак, аталган өлкөдө 209,5 миллион адам тамактын жетишсиздигинен запкы тартып жашайт экен. Ал эми Сомали өлкөсүндө 2010-2012-жылдар аралыгында 258 миң адам азык-түлүктүн тартыштыгынан көз жумуптур. Алардын жарымынан көбүн 5 жашка чейинки балдар түзөт. Мына ушул маалыматтарды көрүп, угуп, окугандан кийин биз кыргыздар курсагыбыз ток, кийимибиз бүтүн Жараткандын берген бейиш мекенинде жашап жатабыз!
