Ош шаарындагы имамдардын билим деңгээлин жогорулатуу үчүн атайын окуу уюштурулат

Ош шаардык мусулмандар казыятына караштуу жалпы мечит имамдарынын билим деңгээлин жогорулатуу үчүн атайын окуу уюштурулмакчы. Шаардык казыяттын эмгек жамааты алгач дин кызматкерлеринин билим денгээлин текшерүү үчүн тест алышып, анын жыйынтыгына жараша окутуу өткөрүлөт.  

«Намаз, даарат, зекет, ажылык, умра жана фыкх багытында суроолор түзүлгөн. Имамдарыбыздын билимин жогорулатуу үчүн бардык аракеттерди көрүп, алар үчүн шарттарды карашыбыз керек»,-деди Мирланбек ажы Токтомушев.