👳🏻Мевлананын асыл сөздөрү:
💐Гүлдү күлгөнгө бер,
Жүрөктү сүйгөнгө бер.
Сүйгөн сонун нерсе,
Кадырды билгенге бер.
💐Сүйүү жана мээримдүүлүк инсандын, жинденүү жана шахват айбандардын сыпааты…
💐Көз экөө, кулак экөө, ооз бирөө. Көп көрүп, көп угуп, аз сүйлөө керек.
💐Чөнтөгү калың, бирок жан дүйнөсү жука адамдын абалын кара: Анткени ал бардык нерсенин баасын билет, бирок улуугун билбейт.
💐Өлүм- чындыгында тирүүлүк. Көрүнүшүндө жоктук, акыйкатта түбөлүктүүлүк.
💐Акылдуу адам иши менен, акылсыз адам киши менен алек.
💐Алтын болсом баркымды баары билет. Мен жөнөкөй гана темир болоюн, баркымды түшүнгөн билсин.
💐Адептүү адептүүлүгүнөн унчукпайт. Адепсиз мен сүйлөткөн жокмун деп ойлойт.
💐Кол сындыр, бут сындыр. Керек болсо моюн сындыр, бирок эч качан бирөөнүн көңүлүн сындырба.
💐Тоодой күнөөлөрдү бир тобоо өкүнүч менен өчүргөн Кудайыбыз бар.
💐Кандай болсоң, ошондой көрүн. Кандай көрүнсөң ошондой бол.
Адебиң жүзүңдөн окулуп турсун.
💐Кебездей жумшак сүйлө, бирок туурадан башканы сүйлөбө.
💐Кечээ мен акылдуу элем, дүйнөнү өзгөртүүнү кааладым.
Бүгүн билимдүү болуп өзүмдү өзгөрттүм.
💐Ким менен сапарлаш, ким менен курдаштык кылганыңда этият бол: себеби булбул гүлгө, карга күлгө алып барат.
💐Болбойт деген нерсеңдин баары болот. Жыгылбайм дейсиң, жыгыласың. Таңгалбайм дейсиң таңгаласың. Эң кызыгы ушунда, өлдүм дегениң менен кайрадан жашайсың…
💐 Таарынуу же урушуу үчүн шылтоо издебей, сүйүлүү жана сүйүш үчүн чара издегиле.
💐 Сени сүйгөндү уу болсо да жут. Сени сүйбөгөндү бал болсо да унут.
💐Алтын менен кооздолгон кийим кийгенди, кемер тагынганды үйрөнгөн эй пенде. Акыры сага эч бир тигиши болбогон кийимди кийгизишет.
💐 Бир адамдын күлгөнүнөн анын тарбиясын, ал эми эмне үчүн күлгөнүнөн болсо акылынын курчтугун жана даражасын түшүнсөң болот.
💐 Бирөө абдан сонун сүйлөп жаткан болсо, демек угуучунун терең түшүнүгүнөн жана кунт коюп угуусунан.
💐 Канчалаган адамды көрдүм, үстүндө кийими жок. Канчалаган басып жүргөн кийимдерди көрдүм, ичинде адам жок.
💐 Мен адамдарды жүрөгүм менен да, акылым менен дагы сүйбөймүн. Себеби жүрөк токтойт, акыл унутат. Мен адамдарды рухум менен сүйөмүн. Себеби рух токтобойт жана унутпайт.
💐 Убактылуу күндөрдүн адамы болгонго аракет кылба. Акыйкаттын адамы болгонго аракет кыл. Себеби күндөр алмашат, акыйкат алмашпайт.
💐 Сен калтырган көңүл Аллах сүйгөн көңүл болсо кантер элең. Билбейсиң да, билсең көңүл калтырбас белең.
💐 Кыйналдык дебегиле. Биз башка көктөмдөр үчүн жалбырак төккөн дарактайбыз.
💐 Көзүңдү жумгун анан ашык бол да Анын жанында кал!
💐Кереги жок бир сөздү,
Дастан кылып бүтүргөнгө.
Бир карашың миң сөз айтат,
Көз караштан түшүнгөнгө.
💐 Шам болуш оңой эмес. Жарык чачыш үчүн алгач өзүң эрип күйүшүң керек.
💐 Адам өзүнүн ким экенин билгиси келсе, кимдерге ашык болгондугун карап көрсүн.
💐 Ашыктык бул- жиндилик. А биз болсо жиндинин жиндисибиз.
👤Которгон Жеңишбек Жумакадыр
👨👩👧👦 БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ T.me/formulakg
✿ Youtube.com/FormulaMediaKG
✿ Instagram.com/Formulasy
✿ WWW.FORMULA.KG
