Бул «Duty Free” компаниясынын негиздөөчүсү. Ал 91 жашта, анын байлыгы 7,5 миллиард доллардан ашкан. Бирок, ошого карабай анын унаасы жок, эконом-класс менен учуп, ижарага алынган батирде жашайт. Чак Фини 15 долларлык электрондук саат тагынып, бырышкан көйнөк кийип жүрөт. Ал кичи мекени Ирландияга барса жөнөкөйлүгүн көрүп алышып аны америкалык турист деп эле ойлошот.
Ал ресторандарга барбай ашканалардан тамактанып, кымбат бренддүү кийимдерге кызыкпай кадимке эле базарлардан кийингенди артык көрөт жана ошондой эле бир жерге жетүү үчүн метро же таксини пайдаланат.
Чак Фининин бул кылыгын көрүп алып аны тыйынга зар сараң, зыкым адам деген ойлор келсе керек. Бирок, ал акыркы 30 жылда 6 миллиард доллардан ашык каражатты кайрымдуулукка жумшаганын укканда чындыгында кандай адам экенин түшүнөбүз. Бул кайрымдуулук АКШ, Вьетнам, Австралия, Түштүк Африка, Ирландия жана Бермуд аралдарында билим берүү, саламаттыкты сактоо, илим жана карылар үйлөрүн тейлөө кызматтарынын сапатын жогорулатууга жумшалган.
Мындан тышкары, бул экстраваганттуу адамды байлык эле эмес, даңкда кызыктырбайт экен: миллиарддаган акчасын берип жатып, көмүскөдө калууга аракет кылган. Алгачкы 15 жыл ичинде кайрымдуулугун жашыруун ийгиликтүү ишке ашырган, анын бул иштери жөнүндө эч ким билчү эмес. Кийинчерээк бул берешен адамды ким экенин аныкташкан, бирок ошого карабай Фини өзүн өтө жөнөкөй адам катары алып жүрдү. Анткени, ал 2012-жылга чейин 5ге жетпеген эле өзү боюнча интервью бергени белгилүү.
Чак Фини укмуштуудай адам. Ал бир нече жылдын ичинде эле 27 өлкөдө 200 миңдей кызматкери бар компанияны түбүнөн түптөгөн. Анын кирешеси эбегейсиз өскөн, бирок кирешенин көбү ошол замат анын “The Atlantic Philanthropies” кайрымдуулук фондуна которулуп турчу.
«Мен берген каражаттын эсебинен бир нерсе жаралып жатканын көрүп, мисалы оорукана дейли, ошондон ырахат алат экениме ынандым. Чогулган акчаны банктык эсепке салып, анын топтогондон топтой бербей, аны жакшы иштерге жумшоо логикалык эле нерсе эмеспи”, — дейт Фини.
Азыркы учурда Фининин капчыгында эки миллиондой доллар бар. Ал бул каражатты көп жылга жеткизерин айткан.
