Жакшылык аты айтып тургандай бул нерселердин пайдасы эң биринчи башкага бактылуулукту алып келген инсан гана көрө алат, анткени башкага жакшылыкты келээри менен өзүнүн жүрөгүндө болгон бейпилдикти жана ырахытты сезет. Жакшылык кылган инсандын жүрөгү таза, өзүн гана эмес башкаларды да ойлогон, өзүнө каалаганды башкаларга да каалаган, колу ачык, берешен, ак көңүл жүзүнөн жылмаю кетпеген, сый урматтуу, жөнөкөй өзүн Аллахтын кулумун деп Аллах жолунда чуркаган инсанды айтабыз!
Жашообузда ушундай инсандар бар болду бекен! Бар албетте аз сандагана. Эмне үчүн?
Анткени эгерде ушундай инсандар көп болгондо: Ач калган көчөдө жүргөн бомж болуп үй булөөсүнөн ажырган инсан дар аз болмок эле. Башка мамлекеттерге барып суугуна, ыссыгына, алысына карабай үй бүлөө багуу, көптөгөн көйгөйлөрдү чечүү учүн, бала, ата энелерин жылдап көрбөй. сагынса да жепей кусалык менен акча табуу үчун кеткен инсандар аз болмок эле. Жокчулук айынан баласын таштаган үй булөөлөр, энелер аз болмок эле. Жокчулуктун айласы жок . . .
Азыркы жетишкен заманда баймын дегендер толтура. Ошол өзү учүн эмес эли, жери үчүн чуркап көптөгөн жакшылыктарды кылганда гана. . . . Кыйналган туугандарыбыз аз болмок атиң деп кала бересиң. Эгер билсеңиз жакшылык канча кылсаңыз Аллах жакшылыгыңызды эселеп кайтарып берет. Жакшылыктын артынан жакшылык өзү келеберет.
Жакшылык кылган инсан жыпар жыттуу атыр сыяктуу, аны көтөргөндө да, саткан да, сатып алганда да анын жытынан пайдаланат, жакшылык кылганды адатка айланткан инсан даары саткан даарыгерге окшош, Анткени анын жүрөгү башкаларга жакшылык кылуу менен алек.
Эгерде башыңа бир кайгы түшсө анда башкага жакшылык кылып кайрымдуулук көрсөт, ошондо кайгыңдын кете баштаганын сезесиң. Кембагалдарга жардам бер, кордук көргөндөрдү куткар, кайгы баткандардын кайгысын тең бөлүү, ачты тойгоз, ооруганды зыярат кыл, жардам сураганга жардам колуңду узата, ошондо бактылуулук ар тарабыңдан каптаганын сезесиң.
Жакшылык кыл десе акча, каражат, материалдык жардам деп ойлобо. Сен жакшылыкты өзүңдүн мамилең, жумшактыгың, мээримдүулүгүң, ак көңүлдугүң менен бир инсанга Руханият жагынан колдо, көңүлүн көтөрүү, эң башкысы жүзүңөздөгү жылмаюуңуз менен эле жакшылыктын чоңун кылып койосуз.
Пайгамбарыбыз (саллаллооху алейхи васаллам) хадисинде:
“Мусулман бир тууганыңа жылмаюу садака (садака бергендей соопко ээ болосуң) деп айтып кеткен. Ал эми кабагы салынган инсандын түрү башкаларга согуш жарыялагандай, көрүнөт, анын кандайлыгын Кудай Тааладан башка эч ким билбейт”
Ибну Абас Хаалим Тааъйдин ырсаптарында бир жакшы маани көрдүм деп айтат:
“Аллахтын нээматтары үч нерседе көрүп ыраазы болдум : Менин коюм жана төөм болбосо да, кайсыл жерге жамгыр жаабасын ошол үчүн мен Аллахка шүгүрлөрдү айттым. Кайсы бир адилеттүү казыны уксам ошого дуба кылдым, ал казыга эч кандай муктаждыгым жок болсо да, Аллахтын китебинин кайсыл аятын үйрөнбөйүн, башкаларга да ошол аятты үйрөнүшүн кааладым” (Акындын ырынын мааниси)
Эгер жамгыр жалпыга жаабаса, анда мен өзүбүзгө гана жаашын каалабаймын, анткени мен өзүмчүл инсан эмесмин! Мына туугандар жакшылык деген. Жөнөкөй эле нерсени өзүбүзгө кааласак, башкаларды да унутпайлы.Жашообузда жакшылыктарды көп жасап, жакшылык мөмөсүн татып жакшы инсандардан болуп жашайлы!
Насиба Абдуллаева,
«БАКТЫЛУУЛУК ФОРМУЛАСЫ»
//
The post Жакшылык кыл – жүрөгүң кенен болот. appeared first on FORMULA.KG.
September 15, 2015 at 10:00AM
