Индияда катуу ысыктан улам 300дөй адам көз жумду. Буга чейин 150 киши көз жумганы айтылган эле. Indian Express гезитинин маалыматында, Теленган штатында 137 киши, Одишада 119 киши каза тапкан.
Бихар штатындагы ысык абадан улам чыккан өрт 66 адамдын өмүрүн алды. Мындан улам штат жетекчилери 42 градустан ашкан ысыкта күндүзгү саат 9дан кечки алтыга чейин от жагып, тамак жасоого тыюу салды. Ошондой эле от жагып өткөрүлчү диний майрамдарга да чектөө киргизилди.
Гидрометтер Индиядагы мындай ысык аба июнь айына чейин сакталаарын эскертти. Ысыктан улам былтыр Индияда эки миңден ашуун киши каза тапкан.
http://maralfm.kg
