Ош шаардык мусулмандар казыятына караштуу «Эрдем» мечитине жарандар үчүн атайын такталар даярдалып, аларга хадистер жазылды. Бул туурасында мечиттин имам хатиби Мунарбек ажы Акматов билдирди.
«Мечитке келүүчү жолдун боюна атайын такталарды жайгаштырдык. Ага бир гана Курман айт жөнүндө жазып эле чектелбестен, дайыма алмаштырып, жаңылап турабыз. Бул жазууларды жайгаштыруу менен элибизди руханий жактан жакшы сөздөргө байытууга аракет кылабыз»— деди имам хатиб.
Эскерте кетсек, бул саамалык улуу Рамазан айында башталган.
