ОшМУнун теология факультетинин жана колледжинин студенттери Ош облустук мусулмандарынын казыятына практикага чыгышты. Аларды казыяттын жамааты кабыл алып, облустук идара жана аппарат менен тааныштырды.
«Теология факультетинде биз сыйлаган илимдүү мугалимдер бар. Силердин ошондой терең билимдүү кишилердин колунда окуп жатканыңар суктанарлык көрүнүш жана чоң мүмкүнчүлүк. Буга чейин да теология факультетинен казыятка келип, практика өтөп кеткен улан-кыздар болгон. Алар өздөрүнүн үлгүлүү жүрүм-туруму, адеп-ахлагы жана жоопкерчиликтүү мамилеси менен эсте калышты. Силер да ошолордой жоопкерчиликтүүлүк жана ыкластуулук менен өзүңөргө берилген иштерди жана тапшырмаларды так аткарып, зор тажрыйбага ээ болосуңар деп ишенем», – деди Алибек ажы Жусупов.
Эскерте кетсек, аймактардагы казыяттарга практикага чыккан теология факультетинин жана колледжинин студенттери казыятта практика өтөөдөн сырткары мечиттерге жана медресе-институттарга (ДОЖ) бөлүштүрүлөт.
