Кечээ, 15-декабрда Нарын облустук ички иштер башкармалыгынын бир жыл ичинде аткарган иштери, жол кырсыктарын алдын алуу, уурулук, мыйзамсыз куралдарды сактоо, үй-бүлөлүк зомбулуктар, алардын ичинен жаш өспүрүмдөргө болгон зомбулук, алар тарабынан жасалган кылмыш аракеттер, жардыргыч заттарды токтотууга болгон иш-аракеттерди токтотуу боюнча маалыматтар угулду.
Жыйынга Нарын шаардык кеңешинин төрагасы Автандил Молдосалиев, Нарын шаарынын мэри Жаныш Курбанов, Нарын облусунун казысы Эрик Молдокулов, мекеме жетекчилери, социалдык тармактын кызматкерлери, мугалимдер жана шаар тургундары, студенттер катышты.
Ал эми облус казысы Эрик ажы Молдокулов жаштарды ыймандуулукка, мекенди сүйүүгө, кыйын күндө өзүн баккан миң уулдан, элин баккан бир уул артык экенин айтып, ар дайым кыргыздын кызыл туусуна ак кызмат кылып, элдин күчтүү, намыстуу, ыймандуу, илимдүү жараны болууга чакырып өттү.
