Баткен облусунун Кадамжай районунун баш имам хатиби Иброхим Хаиткуловдун жана аймактагы дин кызматкерлеринин демилгеси менен курман айт майрамына карата ишембилик болуп өттү.
«Мусулмандар кубаныч менен күтүп майрамдоочу эки чоң майрамдын бири Курман айт майрамы. Бул майрамга карата жалпы дин кызматкерлери мечиттерде ишембилик өткөрдүк. Анын алкагында мечиттердин айланасы таштандылардан тазаланды. Ошондой эле санитардык эрежелерди сактоо аракеттери жүргүзүлүүдө. Айт намазын тынч майрамдык маанайда өткөрүүнү жараткан насип этсин»,-деди Иброхим Хаиткулов.
Белгилей кетсек, 2021-жылдын 20-июль күнү өлкө аймагындагы бардык мечиттерде Курман айт намазы окулат.
