Татарстандын борбору Казан шаарындагы мектептердин биринде болгон каргашалуу окуя боюнча Кыргызстан Мусулмандарынын Азирети Муфтийинин милдетин аткаруучу Жоробай ажы Шергазыев Татарстандын Азирети Муфтийи Камиль ажы Самигуллин менен телефон аркылуу сүйлөшүп, татар элине жана маркумдардын ата-эне, бир туугандарына көңүл айтып, жабыркагандарга Алла Тааланын шыпаасын тиледи. Муну менен катар Жоробай ажы Шергазыев бул кабарды терең кайгыруу менен кабыл алгандыгын айтып, бей күнөө окуучулардын жана мугалимдин көз жумушу оор жоготуу экендигин жана мындай каргашалуу окуялардын мындан ары болбоосу үчүн Жаратканга жалбарып дуба кылаарын билдирди.
