Адампендем, чоң сабак
Алгың келсе бейиттен…
Арбактардын гөрдөгү,
Абалын көр кейиткен!
Байлар кайда бир кезде,
Байлыгына сыйынган?
Азыр көрсөң бир кепин,
Анын баарын сыйырган!
Ханзадалар каякта,
Хан сарайга сыйбаган?
Көрүстөндө жатышат,
Кум төшөгүн жыйбаган!
Сулуу кыздар кай жерде,
Сезимдерди туйлаткан?
Ажал деген алардын,
Айдай жүзүн кыйраткан!
Жатат бектер бир кезде,
Жан сакчылар кайтарган.
Беги кайсыл, кулу ким,
Барбы азыр айталган?!
Түрк тилинен которгон
Алтынбек ИСМАИЛОВ
