Бишкектеги китеп дүкөндөрүнүн биринен жаштардын эң көп окуп жаткан китептердин тизмесин алган. Кыргыз жаштарынын батыш маданияты менен сугарылып жатканына байланыштуу, өзүбүздүн залкарлар жазып калтырган таберик китептерди топтогон. Устаз Калысбек Заманбеков шарият илимдери боюнча көп китептерди окуганы шексиз. Бирок, кыргыз адабияты, дүйнөлүк адабияттан да артта калбай, китеп окууга дайыма убакыт табат. Бул жерден ал сунуштаган китептер тизмесин табасыз.
1. «Сынган Кылыч» — Төлөгөн Касымбеков
Кыргыз аялдарынын ыйбаалуулугу, моддолордун интригалары жана хан ордосунда болгон таасир талаштын кесепти сонун чагылдырылган.
2. «Кел Кел» – Төлөгөн Касымбеков
Токтогул атабыздын өнөрү, Женижок атабыздын кайгысын чагылдырган. Балалуу болбой, аял затын сыйлап аны чогуу алып жүргөнү.
3. «Адам болгум келет» – Төлөгөн Касымбеков
Студенттерге мотивация берген, өзүбүздөн чыккан китеп. Батыштын куру мотивация берген китептеринен жакшыраак. Турмуштан ордун табуу, дем берүүчү китеп.
4. «Узак Жол» – Мукай Элебаев
Өзгөчө үркүн учурундагы окуялар чагылдырылган. Жегенге талкан таппай, Кытайга качкан кыргыздардын кайгылуу тагдырын ушул көркөм чыгармадан табасыз. Бейпилчиликте көрсөтүлгөн эрдик эрдик эмес, кыйынчылыкта көрсөткөн эрдик чыныгы эрдик.
5. «Каныбек» – Касымалы Жантөшев
Бул китептен сөз сүйлөгөндү үйрөнөбүз. Айрыкча макал-лакаптардын философиясы камтылган.
6. Күлкү жана өмүр (1-2-тому) – Түгөлбай Сыдыкбеков
Кыйын учурда тамаша сөз менен чыгып кетүү. Анжиян базарына барып товар өткөрүп келген даанышман аталар баяндалат. Жөө чечен эмес, акыл чечен болгон адамдар чагылдырылат.
7.«Көк Асаба» – Түгөлбай Сыдыкбеков
Бул китепти жазууга 21 жыл кеткен. Түрк элдеринин тарыхы, анын ичинде кыргыз элинин тарыхы чагылдырылат. Сен тарыхчы эмессиң деп 1971-жылы жазылган китеп, 18 жылдан кийин жарык көргөн.
8. «Кара сөздөр» — Абай Кунанбаев
Казак боордошторубуздун залкары. Ислам акыйдасын Имам Матуридийдей жазган. Кудайдан корк, пендедени сыйла, баланы окутуудан малыңды аяба — адам болсун десең.
9. «Маркумдар үнү» – Көчкөн Сактанов
Репрессияга дуушар болгон ата-бабаларыбыздын өмүр баяны чагылдырылган.
10. «Накыл Сөздөр» – Кусейин Карасаев
Бул китепти окуп, балдарыбызга үйрөтөлү. Арап тилин 15 жыл окуган адамдардан да мыкты жазган. Лингвистика илими, макал-лакаптардын маанилери, чечмелениши камтылган мыкты китеп.
