Муфтият Орозо айт 25- июнь, жекшемби күнгө белгиленгенин жарыялады

2017-жылдын 25 – июнь, жекшемби күнү Орозо айт күнү болуп белгиленди. Бул тууралуу бүгүн, 20-июнда Кыргызстан мусулмандарынын дин башкармалыгы маалымат таратты.

Буга чейин, т.а. ушул эле күнү дин башкармалыгы Орозо айт 2017-жылдын 26 – июнь, дүйшөмбү күнү деп белгиленгенин айтып, бирок, көрсөтүлгөн күн айдын чыгуусу боюнча бир күнгө айырмаланып калса, анда Орозо айт 25-июнь күнү болушу ыктымалдыгын билдирген эле.

Ислам шариятында Орозо айт күнү жаңы чыккан айдын көрүнүүсүнө карап аныкталат. Пайгамбарыбыз (саллоллоху алайхи васаллам) өз сөзүндө:

“Айды көрүп орозо кармагыла жана айды көрүп оозуңарды ачкыла. Эгер күн бүркөө болуп силерге ай көрүнбөй калган болсо, анда отуз күндү толуктагыла”– деп буйруган (Сахих муслим 1081).