https://youtu.be/PV05FH5I_d0
Жаңы мечиттин ачылышына Россиянын Муфтийлер Кеңешинин төрагасы шейх Равил Гайнутдинов катышат.
1-апрелде борбор калаада «Махмуд ал-Кашгари» атындагы мечиттин расмий ачылышы болот. Бул тууралуу муфтияттын маалымат катчысы Максат Атабаев Sputnik агенттигине билдирди.
Анын айтымында, мечиттин ачылышына президенттин аппаратынан, өкмөт өкүлдөрү, депутаттар жана Россиянын Муфтийлер Кеңешинин төрагасы шейх Равил Гайнутдинов катышат.
«Аталган мечиттин курулуп баштаганына 23 жыл болуптур. Андан кийин токтоп калып, 2015-жылы кайра башталган. Ачылыш аземи бүткөндөн кийин 14:00дө Равил шейх Гайнутдинов жаңы мечиттин жыйындар залында маалымат жыйын өткөрөт», — деди Атабаев.
«Махмуд ал-Кашгари» мечити «Ильшат» коомдук фонду тарабынан каржыланып салынган.
«Спутник»
