КЫЯМАТТА АДАМДЫН АР БИР ДЕНЕ-МҮЧӨСҮ СҮЙЛӨЙТ

✍🏻Анас, радыяллаху анху, айтты: «Күндөрдүн биринде Аллахтын Элчиси, саллаллаху алейхи уа салламдын, алдында элек. Ошондо ал күлүп: «Менин эмнеге күлүп жатканымды билесиңерби?!» – деп сурады. «Аллах жана Анын Элчиси билет»,– деп айттык. Ал айтты: «(Кыямат Күнү) пенденин Раббисине кайрылганын (эстеп күлдүм), ал айтат: «Оо, Раббим! Сен мага (Акырет күнү) зулумдук кылбаймын деп убада бербедиң беле?!». Раббиси айтат: «Ооба». «Анда мен өзүмө өзүм гана күбө болоюн»,– дейт. Ошондо Аллах Таала айтат: «Бүгүн өзүңө өзүң каршы күбөгө өтөөрүң жана (иш-аракеттерди) жазуучу периштелердин күбөгө өтүүсү жетиштүү болот». Андан соң оозу мөөрлөнүп, анын дене-мүчөлөрүнө: «Сүйлөгүлө!»,– деп айтылат. Ошондо ар бир дене-мүчөсү анын кылган иштеринин айтып берет. Андан соң ал сөзгө келип: «Көзүмө көрүнбөй жоголгула! Мен силерди коргоюн дедим эле го!» – деп айтат». (Муслим)

👨‍👩‍👧‍👦 БАКТЫЛУУЛУК ФОРМУЛАСЫ
══════════════════
✿ OK.ru/Formulasy
✿ Fb.com/Formulasy
✿ T.me/formulakg
✿ Youtube.com/FormulaMediaKG
✿ Instagram.com/Formulasy
✿ WWW.FORMULA.KG