alternatetext Багымдат: 06:00 | alternatetextКүн чыгуу: 07:31 | alternatetext Бешим: 13:16 | alternatetextАср: 17:13 | alternatetextШам: 18:59 | alternatetextКуптан: 20:33
АалымдарЖаңылыктар

Кыргызстандын туңгуч муфтийи Кимсанбай ажы Абдурахмановду эскерүү

Кечээ, 22-ноябрда Кыргызстан мусулмандарынын туңгуч муфтийи Кимсанбай ажы Абдурахманов 82 жаш курагында дүйнө салды.

Кимсанбай ажы 1940-жылдын 10-июлунда Өзбекстандын Фергана облусундагы Жанабад айылында жарык дүйнөгө келген.

1957-жылы орто мектепти аяктап, 1959-жылы Өзбекстандын Бухара шаарындагы ислам медресесине окууга кирген.

1962-1966-жылдары СССРдин Ыраакы Чыгыштагы деңиз флотунда аскердик кызмат өтөп, аскерден кайткандан кийин медреседеги окуусун улантып, аны 1971-жылы бүтүргөн.

1971-1976-жылдары Ташкенттеги Борбор Азия жана Казакстан мусулмандарынын дин башкармалыгында «Советтик чыгыштын мусулмандары» журналынын редакциясында адабий кызматкер болуп эмгектенген.

1976-1980-жылдары Иорданиянын борбору Амман шаарындагы мамлекеттик университеттин Шарият факультетинде окуган.

1980-1982-жылдары «Советтик чыгыштын мусулмандары» журналынын араб жана өзбек тилдериндеги редактору болуп иштеген.

1982-1986-жылдары Бухарадагы өзү окуган медресенин директору болуп иштеген.

1987-1989-жылдары Ташкенттеги Борбор Азия жана Казакстан мусулмандарынын дин башкармалыгынын фатва бөлүмүндө эмгектенген.

1990-жылдын мартынан 1992-жылдын сентябрына чейин Кыргызстан мусулмандарынын казыятынын төрагасы — казы кызматын ээлеген.

1992-жылдын август айынын аягында Кыргызстан мусулмандарынын биринчи курултайы болуп, Кыргызстан мусулмандарынын дин башкармалыгы түзүлгөн жана анын төрагасы — муфтий болуп Кимсанбай ажы дайындалган.

Кимсанбай ажы 1990-жылдын сентябрында Бишкек шаарында Кыргызстандагы туңгуч ислам медресесин ачкан. Бул медресе 1993-жылы Ислам инситуту болуп өзгөргөн. Ошол эле жылы Кыргызстандын региондорунда ислам медреселери ачылып баштаган.

1991-жылы Кимсанбай ажы баш болгон 450 киши биринчи жолу Кыргызстандан Сауд Арабияга ажылык сапарга барган.

Кимсанбай ажы Бириккен Араб Эмираттарындагы шейхтердин бири менен сүйлөшүп, Бишкек шаарында борбордук мечит курууга жардам сураган жана ал мечит 1995-жылдын октябрь айында курулуп бүткөн.

Андан тышкары 1994-жылы Сауд Арабиянын Ислам банкы борбордук мечиттин жанындагы чоң имаратты сатып берген. 1996-жылы Кимсанбай ажы ошол имаратка Кыргызстан мусулмандарынын дин башкармалыгын жана Ислам институтун көчүргөн. Азыркы мезгилде ал имаратта дин башкармалыгы жана Ислам университети жайгашкан.

Кимсанбай ажы 1996-жылдын декабрында муфтий кызматынан кеткен. 2000-жылдан 2003-жылдын сентябрына чейин кайрадан муфтий болуп кызмат өтөгөн.

2004-2007-жылдары Бишкек шаарындагы Махмуд Кашкари мечитинде имам-хатиб болуп иштеген. 2008-жылдын апрелинен баштап Бишкек шаарындагы жаңы курулган Мусакан төрө мечитинде имам-хатиб болуп эмгектенген.

Бул да кызыктуу

Пикир калтыруу

Ой-пикириңизди жазыңыз Обязательные поля помечены *

This site uses Akismet to reduce spam. Learn how your comment data is processed.

Back to top button