Күйүт ыры
Көкүрөк муңум кыйнады ,
Арманды катып кыйбады .
Элимдин көрүп абалын ,
Муңканып сызып ыйлады .
Түркөйлүк каптап ырбады ,
Акыйкат өмүр турбады .
Адал жашоо азайып ,
Ыйманга көңүл бурбады.
Сүткөрлук күчөп жайылды ,
Кумарга жерлер табылды .
Карызга белден батышып ,
Түйшүккө элдер кабылды.
Унуттук кайрат — сабырды ,
Пейилдер чындап тарыды .
Бөлүнүү күчөп ыдырап ,
Каңырык түтөп кайгырды.
Сырттан келип азгырды ,
Күнөөгө ыктап баткызды .
Интерет менен башкарып,
Булгады сезим -акылды .
Замандын деп талабы,
Улууну кагып баштады .
“Укукчул “коомду жетилтип ,
Милдетти чанып алдады .
Насилди бузуп тандады ,
Азыкзат таза калбады ,
Изденип пикир калчабай,
Тарыхтан сабак албады .
Тилини сатып алмашты ,
Дининен качып башташты.
Мекенге күйүп чуркабай ,
Байлыкты сүйүп алдашты.
Ынтымак кетип барганы ,
Тааныш чечип калганы .
Мекенди таштап айласыз,
Четтен эбин тапканы .
Бирдиктүү жолго кайталы ,
Намыс кымбат сатпайлы .
Эл мүдөөсүн орундап ,
Жапа тырмак актайлы !
Журт түйшүгүн көтөрүп ,
Болор ишти тактайлы .
Иштерманга шарт түзүп ,
“Тилемчи” ишти таштайлы!
Соргуч болуп калбайлы .
Кыйынды кууп салбайлы ,
Ички өндүрүш күчөтүп ,
Жолун бууп салбайлы
Калысбек Заманбеков
21/06/2022.
