“Ислам мамлекетин” ким токтотот?

Францияда чукул кырдаал үч айга чейин узартылды. Бул чаралар дүйнө элин дурбөлөңгө салган Париждеги окуялардан кийин киргизилди. Эскерте кетсем, 13- ноябрда Франция борборунда бир катар теракттардын кесепетинен жүздөгөн адам набыт болгон. Бул окуяларды ИМ тобу мойнуна алды. Алар бул операция бороондун башталышы гана деп жар салышты.
Париждеги кырдаал 15-16-ноябрда Түркияда өткөн G20 саммитинин күн тартибин дагы өзгөрттү. Америка прессасы ошол эле күндөрү “Парижге болгон чабуул коркунучтун глобалдуулугун көрсөтүп турат, экстремисттик зомбулук жаңы бир деңгээлге жетти ” деп жазып чыкты. Акыркы окуялар – буга чейин Европа мамлекеттери тарабынан кодуланып келген Орусия менен да эсептешүүгө түрткү берерин серепчилер айтышууда. Анткени, пикирлерге таянсак, Сириядагы тынчтыкка карай жол Москва аркылуу гана өтөрүн Европа өлкөлөрү моюнга алышты.
Президент Алмазбек Атамбаев бул жумада Коргоо кеңешинин катчысы Темир Жумакадыровду кабыл алды. Мамлекет бышчысы-дүйнөдөгү акыркы окуялар биздин өлкөдө да терроризм менен күрөшүүнүн эффективдүүлүгүн көтөрүү үчүн чечкиндүү чараларды кабыл алуу, террордук топторго жана алар менен байланышы бар уюмдарга бөгөт коюу зарылдыгын көрсөткөнүн белгилеп, “мамлекет өлкөнүн жана өлкө жарандарынын коопсуздугун сакташы керек жана сактайт”,- деди.
http://ktrk.kg/
The post “Ислам мамлекетин” ким токтотот? appeared first on БАКТЫЛУУЛУК ФОРМУЛАСЫ.

November 23, 2015 at 05:45PM