ЖаңылыктарРубрикасызФото

Ошто «Кыргызстандын тарыхында жана маданиятында Исламдын орду» аталышындагы конференция болуп өттү

Бүгүн, 28-апрелде КРнын дин иштери боюнча мамлекеттик комиссиясынын түштүк аймактык бөлүмү жана ОшМУнун теология факультети тарабынан 2016-жыл Тарых жана маданият жылына карата Ош мамлекеттик университетинде «Кыргызстандын тарыхында жана маданиятында Исламдын орду» деген темадагы илимий-практикалык конференция болуп өттү. Аталган конференцияга КРнын Өкмөтүнүн Ош облусундагы өкүлчүлүгүнүн бөлүм башчысы Абдирашит Исаков, Дин иштери боюнча мамлекеттик комиссиясынын түштүк аймактык бөлүмүнүн башчысы Исакбай Мурзабеков, Ош облусунун казысы Самидин кары Атабаев, Теология факультетинин деканы Самаган Мырзаибраимов жана түштүк аймактагы казылар, дин кызматкерлери, билим берүү кызматкерлери жана студенттер катышышты.

Конференцияда “Кыргыздын рухий маданиятында Исламдын орду”, “Жусуп Баласагындын Кут алчубилим” аташындагы эмгегиндеги диний баалуулуктар, “Али бин Осман Оший жана анын эмгектери”, “Ханафий мазхабынын Кыргызстан аймагындагы жайылуусу” жана “Манас эпосундагы Ислам дининин чагылдырылышы боюнча баяндамалар жасалды.
Уюштуруучулардын бири Исакбай Мурзабековдун айтымында аталган конференциянын негизги максаты тарых жана маданият жылына карата диний чөйрөдөгү мамлекеттик саясаттын концепциясына ылайык салттуу Исламдын Кыргызстандын тарыхындагы жана маданиятындагы ордун изилдөө болуп саналат деп билдирди. Мындан сырткары ал Кыргызстандын эзелтен берки тарыхында кандай гана бийликтик башкаруу системасы калыптанганына карабай ата-бабаларыбыз Исламдын түпкү баалуулуктарын сактап келгендигин кошумчалады.
Эскерте кетсек, жыйын соңунда конференциянын катышуучулары тарабынан резолюция кабыл алынып, конференцияда жасалган докладдар жана сунуш-пикирлерди эске алуу менен атайын китепче чыгаруу белгиленди.

Ош облусунун мусулмандар казыятынын маалымат кызматы
Ачкыч сөздөр
Улантуу ⇓

Тектеш темалар

Пикирлер жок

Бул да кызыктуу

Close
Close