Аль-Харам мечитиндеги кырсыкта каза болгондорго компенсациялар төлөнүп баштайт

Сауд королдугу Меккеде ажылык сапары учурунда Аль-Харам мечитинде зыяратчылар менен болгон кырсыктан каза болгондордун үй-бүлөсүнө төлөнүүчү компенсацияларды төлөп баштайт. Учурда бул боюнча атайын комитет өз ишин баштады. Эми алар кырсыкта каза болгондор жана жабыркагандардын толук маалыматтарын такташтыруусу керек.
Маалым болгондой, кран кулаган кырсыкта көз жумгандарга 1 млн риял же 266 миң доллардын тегерегинде компенсация төлөнмөй болгон. Ал эми кырсыкта жеңил жараат алгандарга 500 миң (133 миң доллар) риялдан акча төлөнөт.
Маалым болгондой, 11-сентябрда мусулмандардын ыйык шаары Меккедеги “Аль-Харам” мечитинде кран кулап, жүздөн ашуун адам каза болгон. Ал эми жабыркагандар да ондоп саналат. Сауд Аравия бийлиги король Салман бинь Абдулазиздин жарлыгы менен кырсыкта каза болгондорго жана жаракат алып майып болгондордун үй-бүлөлөрүнө 266 миң доллардын тегерегинде жардам бере тургандыгын билдиришкен. Ошондой эле каза болгондордун үй-бүлө мүчөлөрүнөн 2сү кийинки ажылык зыяратында Сауд королдугунун чакыруусу менен акысыз барат.
Ал эми кырсыкка себепкер болгон курулуш компаниясы Бен Ладендин үй-бүлөсүнө таандык экени буга чейин айтылган. Учурда крандын кулаганы боюнча териштирүү иштери жүрүп, ал иш аягына чыкмайынча Бен Ладендин үй-бүлөсүнө чет өлкөгө чыгууга тыюу салынган.
Расмий маалымат боюнча Меккеде кулаган крандан улам 110 адам каза болуп, 235 адам жаракат алган. Маркумдардын сөөгү Меккеде жерге берилген.
http://maralfm.kg

//

The post Аль-Харам мечитиндеги кырсыкта каза болгондорго компенсациялар төлөнүп баштайт appeared first on FORMULA.KG.

October 09, 2015 at 04:15PM