Ош шаарынын мусулмандарынын казысы Мырза кары Осмонов «Имам аль-Бухари Алай» мечитинин ардактуу имамы Ахматали ажы Пахыровду зыярат кылып, ак батасын алды.
«Ислам дини үчүн кызмат кылып келе жаткан Ахматали ажы көптөгөн шакирттерди тарбиялап чыгарган. Биз да окуучуңуздун бири болуп, алгачкы ишти сиздин ак батаңыз менен баштайын дедим. Алла Таалам түз жолунан адаштырбай, дин үчүн адал эмгек менен кызмат кылууну бизге да насип кылсын», — деди шаар казысы Мырза кары Осмонов.
Аталган жолугушууга Ак-Буура чыгыш хатибиятынын баш имам хатиби Абдилазиз ажы Абдурахманов коштоп барып, Ахматали ажы Пахыровдун абалынан кабар алып кайтышты.
