ЖаңылыктарРубрикасыз

Тажикстанда дин эркиндиги катуу кысымга алынууда

Тажикстан АКШнын Дүйнө өлкөлөрүндөгү дин эркиндиги боюнча комиссиясынын (USCIRF) сынына кабылган 17 өлкөнүн катарынан орун алды.

Былтыр көптөгөн өлкөлөрдө диний ынанымы үчүн куугунтукка алынган учурлар кыйла көбөйгөн. Эл аралык дин эркиндиги маселелери боюнча америкалык комиссиянын корутундусу ушундай болду. Комиссия 1998-жылы АКШ Конгрессинин чечими менен түзүлгөн.

Баянамада дин эркиндиги өтө начар абалда делген 17 өлкө катуу сынга алынган. Алардын катарында Мьянма, Иран, Түндүк Корея, Иран, Сауд Арабиясы, Тажикстан, Түркмөнстан, Өзбекстан да бар.

Авторлордун пикиринде, Тажикстан өкмөтү мамлекеттин көзөмөлүндө болбогон диний ишмердүүлүккө басым жасап, жазалоого шыктуу. Адамды диний ынанымына байланыштуу негизсиз козголгон кылмыш иши боюнча абакка кесүүгө маш. 2015-жылы оппозициячыл маанайдагы Тажикстан ислам кайра жаралуу партиясына тыюу салынган. Бул партия расмий түрдө 15 жыл бою иш жүргүзүп келе жаткандыгына карабастан, анын 100гө чамалаш жетекчилери менен мүчөлөрү эркинен ажыратылган.

Баяндамадагы маалыматтар менен корутундулар АКШ тарабынан жарандарынын дин эркиндигине болгон укугун сактабаган өлкөлөргө карата санкция киргизип, айып салуу чараларын көрүүгө негиз болуп бере алат.

«МАРАЛ»

Subscribe
Notify of
guest

This site uses Akismet to reduce spam. Learn how your comment data is processed.

0 Comments
Inline Feedbacks
View all comments
Back to top button
0
Would love your thoughts, please comment.x
()
x