Бул бир адамды ургандык эмес, бул баарыбызга дөңгөлөк илип кордогондук, — Чубак ажы Сузактагы зомбулук жөнүндө

Мурдагы муфтий, дин аалымы Чубак ажы Жалилов «Марал» радиосунда аялга жасалган Сузактагы зомбулукту сындап, коомчулукту үй-бүлөдөгү зомбулукка маани берүүгө чакырды.

“Коом тирүү болушу керек. Мындай адамдарга маани берип, токтото турган болсок бардыгы ордуна келет. Бул бир адамды ургандык эмес, падышабыз баш болуп, акыркы кишиге чейин дөңгөлөк илип, ага ташты салып, үстүбүзгө арыктын кир суусун куйганга тете болду. Эгерде ушундай окуяга маани бербей атсак демек баарыбыз кордолуп отурабыз дегенди билдирет”, — деди Жалилов.

Эске сала кетсек, буга чейин Сузакта аялын байлап, мойнуна дөнгөлөк илип коюп сабаган зөөкүрдүн видеосу коомчулуктун катуу талкуусуна алынган. Үрөй учурган окуя боюнча Жалал –Абад ички иштер башкармалыгы видеонун «каарманын» кармалганын жана 15 күнгө убактылуу кармоочу жайга камалганын кабарлаган.

Алгач бул окуя кылмыш жана жоруктардын бирдиктүү реестрине жоруктар кодексинин “Үй-бүлөлүк зомбулук” беренеси менен катталган. Кийинчерээк, коомдо чоң резонанстты жараткандыктан улам КРнын Жазык кодексинин 144-беренеси (Уруп-согуп кыйноо) болуп өзгөртүлгөн.

Live Covid-19

Жооп калтыруу

Email дарегиңиз жарыяланбайт!

This site uses Akismet to reduce spam. Learn how your comment data is processed.