“Россия – Ислам дүйнөсү: Казань саммити” XIII Эл аралык экономикалык саммитинин алкагында Татарстан Республикасынын Азирети Муфтийи Камил ажы Самигуллин Кыргызстан мусулмандарынын Азирети Муфтийинин орун басары Самидин кары Атабаев баштаган делегация менен жолугушту.
Эки тараптуу жолугушууда заманбап ислам теологиясын, татар жана кыргыз имамдарынын өз ара аракеттенүүсүн жана эки өлкөнүн Дин Башкармалыктарынын кызматташуу мүмкүнчүлүктөрүн талкуулашты. Ал эми Камил хазрат Самигуллин Кыргызстандык делегацияга татар элинин ислам билиминин жана агартуучуларынын тарыхы, муфтияттын татар-мусулман маданиятын сактоо боюнча тажрыйбасы тууралуу маалымат берди.
