Ош облусунун мусулмандар казыятынын борбордук мечитинде республикалык «Куран жазы» конкурсуна катышуу үчүн тандап алуу сынагы болуп, жеңүүчүлөр финалга жолдомо алышты.
Облус казысы Сайдамир ажы Жейналиев конкурста жаштардын басымдуу катышканын белгилеп, аларга алдыда өтө турган сынака ийгиликтерди каалады.
«Куран жаттоо өтө улуу ибадат. Кыямат күнү Ыйык Куран жаттагандардын ата-энелерине алтын таажы кийгизилет. Дегеле бул дүйнөдө эң ардактуу жумушту аркалагандар сиздерсиздер. Бүгүнкү жарым финалдык жарышыбызга негизинен жаштар катышып олтурасыздар. Өмүрдүн жалындуу мезгилин Куран менен өткөрүү кандай зор бакыт! Алла Таалам ушул куттуу жолуңардан эгерим адаштырбасын»,-деди Сайдамир ажы.
