Кечээ, 5-август күнү Ош облустук мусулмандар казыятында айымдардын катышуусунда жыйын өтүп, анда аялзатынын диний чөйрөдөгү орду, Ханафий мазхабы жана Матуридий акыйдасын кармануунун маанилүүлүгү, медреседе окутулуп жаткан окуу программаларынын артыкчылыктары жана кемчилдиктери талкууланды.
Иш-чарага Ош облусунун мусулмандарынын казысы Сайдамир ажы Жейналиев, казыяттын айымдар менен иштөө адиси Жамийла Жапошова, медресе мүдүрлөрү жана диний окуу борборлорунун жетекчилери катышты.
Саамалыкта облус казысы Сайдамир ажы Жейналиев аялзатынын диний чөйрөсүндө орду чоң экенин баса белгилеп, медресе мүдүрлөрүн системалуу түрдө Ханафий мазхабына таандык китептерден сабак алып, диний билим деңгээлин жогорулатууга чакырды.
