Бүгүн, 12 – май күнү Ош облустук мусулмандар казыяты өзүнүн карамагындагы хатибият жана мечит жамааттары менен биргеликте чек ара окуясынан жабыр тарткан Баткен элине 1000000 сомдон ашуун күнүмдүк жашоого керектелүүчү азык-түлүк, кийим-кече, көрпө-журкан жана үй тиричилигине керектүү буюмдарды жеринде тапшырышты.
Буга чейин Ош облустук мусулмандар казыятына таандык «Беш-Капа» жана «Фисабилиллах» мечиттери жамааты менен материалдык жармдам жөнөтүшкөн.
Кайрымдуулук иш-чарасына Ош облусунун мусулмандар казысы Самидин кары Атабаев, Баткен облусунун мусулмандар казысы Пазыл ажы Султанмуратов жана казыяттын эмгек жамааттарынан катышты.
«Буга чейин дагы Ош облус аймагына карамагындагы мечиттер жардам берип келүүдө. Бүгүнкү кайрымдуулук жардамга райондук хатибдер жана мечит имамдарынын салымы чоң. Буюрса мындан ары дагы ар кандай материалдык колдоолорду үзбөйбүз. Мамлекетибизде тынчтык, амандык болсун», — деди облус казысы Самидин кары Атабаев.
