Бүгүн, 20-июль күнү Ош шаардык мусулмандар казыятына караштуу жалпы жума окулуучу мечиттерде Курман айт намазы окулду. Намазга келген жамаат аралыкты сактап, беткап менен санитардык эрежелерди сакташты.
Борбордук Сулайман-Тоо мечитинде Айт намазы төмөнкүдөй тартипте окулду:
Саат 6:00 — 6:30 га чейин Куран окулду.
Саат 6:30 — 7:10 гө чейин Курмандык чалуу жөнүндө баян.
Саат 7:10 — 7:15 Ош шаарынын мэри Таалайбек Сарыбашовдун куттуктоосу
Саат 7:15 — 7:20го чейин Дин иштери боюнча мамлекеттик комиссиянын түштүк аймактык бөлүмүнүн башчысы Исакбай Мурзабековдун куттуктоосу.
Саат 7:20 — 7:30га чейин Ош шаарынын мусулмандар казысы Убайдулла ажы Сарыбаевдин элге намаздын тартибин эскертип өттү.
Саат 7:30 — 7:40га чейин Айт намазы окулуп, Эли жердин тынчтыгы жана аманчылыгын Аллахтан сурап дуба кылынды.
