⠀
✍🏻 Күндөрдүн бир күнүндө Сулайман пайгамбар (а.с) увазирлерине жана кызматчыларына кайрылып:
⠀
— Эч бир кайгысы жок, тынчымды эч ким эч нерсе менен албаган күн болушун каалап турам,- дейт.
⠀
Муну уккан увазирлери:
⠀
— Эртеңден баштап сиз каалагандай күн башталат, буюрса,- дешет.
⠀
Эртеси күнү бардык эшиктер чычкан жөргөлөгүс болуп жабылып, чымындын учканы билингендей тынчтык башталат. Сулайман пайгамбар (а.с) таягын алып, айылына жөнөтмөкчү болот. Ал жакта ызы-чуудан, түйшүктөн алыс болуп, жайбаракат эс алгысы келет. Мына ошол убакта апапак кийинген, аппак тулпар минген бир жигит бакчанын бурчунан чыга келип Сулайман пайгамбар (а.с)га:
⠀
— Ассаламу алейкум, Оо Алланын пайгамбары!- дейт. Сулайман пайгамбар(а.с):
⠀
— Алейкум ассалам, — деп алик алат да, — Ким деген жигитсиң? Бул жерге кантип кирдин?- деп суроо салат. Келген жигит мындай дейт:
⠀
— Оо Алланын пайгамбары! Мен падышалардан, султандардан коркпогон жанмын. Мага эшик тоскондор тоскоол боло алышпайт. Хандан-бектен кайра тартпайм. Мен кирген хан сарайлар, үйлөр дайыма ээсиз калат. Мен кирген жайларда жыргап жашагысы келгендер да дароо кара топуракка көмүлүп, жер астында чирийт.
⠀
Сулайман пайгамбар(а.с) бул келген сырдуу коноктун ким экенин дароо байкайт да:
⠀
— Оо Азреил! Жанымды алганы келдиңби, же болбосо зыярат кылайын дедиңби? — дейт. Азреил( а.с):
⠀
— Жаныңды алганы келдим, — дейт. Буга бир аз таңыркай түшкөн Сулайман пайгамбар (а.с):
⠀
— Оо өлүм периштеси, ушул күндү атайын кайгысыз, санаасыз өткөрөйүн деп ойлодум эле, — дейт.
⠀
Анда Азреил (а.с):
⠀
— Султан, сен бүгүн ойлогондой, бүгүн каалагандай күн бул дүйнөнүн күндөрүнүн арасында жок. Сен эч болбой турган күндү каалаган турбайсыңбы. Анда эмесе Улуу Алланын өкүмүнө ыраазы бол! — деп Сулайман пайгамбар(а.с)дын жанын сууруп алат. Сулайман пайгамбар (а.с) ошол убакта таягына жөлөнүп турган болчу. Жаны чыкканда денеси ошол таянган бойдон туруп калат.
⠀
📚 «Өчпөс сабактар» китебинен.
⠀
꧁ БАКТЫЛУУЛУК ФОРМУЛАСЫ ꧂
⠀
Катталуу үчүн:👇🏻👇🏻👇🏻
⠀
📲WhatsApp:
+996700334493
⠀
📲+996 771 822 202
⠀
══════════════════
☪ OK.ru/Formulasy
☪ Fb.com/Formulasy
☪ T.me/formulakg
☪ Youtube.com/FormulaMediaKG
☪ Instagram.com/Formulasy
☪ WWW.FORMULA.KG
📍 СЫРДУУ ЖИГИТ
