Ош облусунун Кара-Суу районунун Сарай айыл өкмөтүнө караштуу Тельман айылынын жаштары курман айт майрамына карата жаш балдарга оюн-зоок мелдештерди уюштурушуп, аларга жагымдуу маанай тартуу кылышты.
Ошондой эле бир уй, бир кой курмандык чалышып, азык-түлүк баштыкчалары менен чогуу кедей-кембагалдарга таратышты.
Иш-чарага Кара-Суу районунун башкы имам хатиби Абдирашит ажы Батыров, Тельман айылынын тургундары жана жаш өспүрүмдөр катышты.
«Курман айт майрамы күнү майрамды даңазалап, жаштарды спортко чакырган жана улуу күндө курбандык чалып, жетим-жесирлерден кабар алган 1986-жылкы жигиттерге терең ыраазычылык билдирем», – деди Абдирашит ажы Батыров.
