Кыргызстан Мусулмандарынын Азирети Муфтийинин милдетин аткаруучу Жоробай ажы Шергазыев Кыргызстан мусулмандарынын Аалымдар Кеңешинин мүчөсү, белгилүү дин аалымы, Кыргызстан Ислам университетинин ректору Абдишүкүр ажы Нарматовдун апасы дүйнөдөн өткөндүгүнө байланыштуу көңүл айтты.
Урматтуу Абдишүкүр ажы! Апаңыздын дүйнө салышына байланыштуу чын көңүлүмдөн көңүл айтамын. Кабарды терең кайгыруу менен кабыл алдым. Сабыр кылыңыз, Алла Таалам сизге күч-кубат берсин. Жараткан маркум апаңызды Өз ырайымына алып, Бейиштин төрүнөн орун насип кылсын.
“Ар бир жан өлүм даамын татат…” (Куран, Аль-Анбийа, 35).
“Чындыгында, биз Аллахка таандыкпыз жана Ага кайтуучубуз” (Аль-Бакара, 156).
Кыргызстан мусулмандардын Дин Башкармалыгынын эмгек жамаатынын атынан сизге, үй-бүлөңүзгө жана тууган-уруктарыңызга терең кайгыруу менен көңүл айтабыз жана кайгыңарды тең бөлүшөбүз.
Терең кайгыруу менен көңүл айткан,
Кыргызстан мусулмандарынын Азирети Муфтийинин милдетин аткаруучу Жоробай ажы Шергазыев
1 comment
Hurrah! After all I got a webpage from where I be able to really take helpful facts regarding my study and knowledge.